ئەنجوومەنی وەزیران و وەزارەتی شارەوانی و گەشتوگوزار بڕیار بۆ پێدانی پارچەزەوی بە فەرمانبەران و كارمەندانی بەرێوەبەرایەتیی گشتیی تەندروستی هەولێر دەردەكەن.
بەپێی نووسراوێكی ئەنجوومەنی وەزیران، تێیدا بڕیاری پێدانی پارچەزەویی بۆ هەشت هەزار و 122 فەرمانبەر و كارمەندی تەندروستی بەرێوەبەرایەتیی گشتیی تەندروستی هەولێر دراوە.
لە لایەكی دیكەوە بەپێی نووسراوێكی وەزارەتی شارەوانی كە 18ی2ی2025 دەرچووە و بۆ بەرێوەبەرایەتیی گشتی شارەوانییەكانی هەولێر رەوانە كراوە، تیایدا جەخت لەسەر بڕیاری ئەنجوومەنی وەزیران بۆ پێدانی پارچەزەوی بەو فەرمانبەرانەی بەرێوەبەرایەتیی گشتیی تەندروستی هەولێر كراوەتەوە.
وەزارەتی شارەوانی جەختی كردووەتەوە، شارەوانییەكان دەبێت وردبینی بكەنەوە و ئەوەی سوودمەند بووە لابدرێت و پاشان رێكارەكانی دابەشكردنی زەوییەكان لە رێگەی تیروپشك بكرێت.