بەرپرسانی لوبنان بڕیاری داخستنی ئەو دەروازە سنوورییەیان دا کە بەهۆی هێرشە ئاسمانییەکانی ئیسرائیلەوە بە ڕووی سووریادا کرابوونەوە.
بەپێی ئاژانسی هەواڵی فەڕمی لوبنان NNA، بەڕێوەبەرایەتی گشتیی ئاسایشی لوبنان، بڵاویکردەوە کە بڕیاری داخستنی ئەو دەروازە سنووریانە بەتایبەتی ئەوانەی باکووری وڵاتەکەی دەرکردووە، کە بەهۆی سەرلەنوێ هێرشە ئاسمانییەکانی ئیسرائیلەوە بە ڕووی سووریادا کرابوونەوە.
لە هەواڵەکەدا ئاماژە بەوە کراوە کە لە پێناو سەلامەتی گیانی ئەو کەسانەی دەیانویست لە دەروازە سنوورییەکان بپەڕنەوە ئەو هەنگاوە گیراوەتەبەر و، هەتا ڕاگەیاندنی دووهەم دەروازە سنوورییەکانی نێوان هەردوو وڵات بە داخراوی دەمێننەوە.
هەروەها لە هەواڵەکەدا باس لەوە کراوە کە دەروازەی مەسنا کراوە دەبێت بۆ ئەو هاووڵاتیيە سووریانەی دەیانەوێت بگەڕێنەوە بۆ وڵاتەکەیان.