ئێوارەی ئەمڕۆ دووشەممە لە شاری بەغدا، كارمەندێكی هێزە ئەمنییەكان بە هۆكاریكی نادیار هاوسەر و هەرسێ منداڵەكەی خۆی دەكوژێت.
میدیاكانی عێراق بڵاویان كردەوە: ئەم ئێوارەیە لە سێیەم رۆژی مانگی رەمەزانی پیرۆزدا، لە گەڕەكی وەشاش لە پارێزگای بەغدا كارمەندێكی وەزارەتی ناوخۆی عێراق بە چەك هاوسەر و هەرسێ منداڵەكەی خۆی دەكوژێت.
دوای ئەنجامدانی تاوانەكە، تۆمەتبار خۆی رادەستی هێزە ئەمنییەكان كردووە.
لای خۆیەوە وەزارەتی ناوخۆی عێراق رایگەیاند كە لێكۆڵینەوەكانیان دەستپێكردووە بۆ دیاریكردنی هۆكاری كەوتنەوەی رووداوەكە.