بەڕێوەبەرایەتی گشتیی تەندروستی هەولێر رایدەگەیەنێت كە نەخۆشخانەیەكی دیكەی راوێژكاری منداڵانیان كردۆتەوە ئەویش لەنێو نەخۆشخانەی فریاكەوتنی رۆژئاوای هەولێرە.
تەندروستی هەولێر رایگەیاند:بەهۆی لۆدێکی زۆر لەسەر نەخۆشخانەی راپەرین بۆ نەخۆشییەکانی منداڵ و لەپێناوی ئەوەی منداڵە خنجیلانەکان بێ بەش نەبن لە خزمەتی تەندروستی، توانرا بەشی ڕاوێژکاری منداڵان بە چەند دکتۆرێکی پسپۆر لە بواری نەخۆشییەکانی منداڵان لە نەخۆشخانەی فریاکەوتنی ڕۆژئاوا-هەولێر بکرێتەوە.
جەختیشی كردەوە كە لە پلانیان دایە کاتەکانی تریش وەك ئێوارە و شەوانیش لە ماوەیکی نزیک ئەم خزمەتگوزارییە بخرێتە خزمەت.