سۆعدا خه‌دیرزاده خه‌ڵكی پیرانشارە و زیندانی سیاسیی كوردە، له‌گه‌ڵ منداڵه‌كه‌یدا له چەند ڕۆژی ڕابردوودا له زیندانی ورمێ بۆ ماوه‌یه‌كی كاتی و به دانانی بارمته، مۆڵه‌تی سه‌ردانكردنی خێزانه‌كه‌ی پێ درابوو، بەڵام ئەو هەلەی قۆستەوەو بۆ هه‌میشه ئێرانی به‌جێهێشت.
بەپێی ڕێکخراوی مافەکانی مرۆڤی هەنگاو، سۆعدا هه‌زار و 217 رۆژ بوو، به‌بێ هیچ مۆڵه‌تێک زیندانی کرابوو و دووگیانی بوو، منداڵه‌كه‌یشی هه‌ر له زینداندا له دایک بوو و نزیكه‌ی سێ ساڵی لەگەڵ دایکی لە زینداندا به‌سه‌ربرد.
هەنگاو دەڵێت، لە چەند ڕۆژی ڕابردوودا سۆعدا خه‌دیرزاده، دوای ئه‌وه‌ی بۆ یه‌كه‌م جار مۆڵه‌تی سه‌ردانكردنی خێزانه‌كه‌ی پێ درا، ده‌رفه‌ته‌كه‌ی قۆسته‌وه و ئێرانی بۆ هه‌میشه جێهێشت.