بە بڕیارى وەزارەتی خوێندنى باڵا و توێژینەوەی زانستی حکوومەتی هەرێمی کوردستان کەسوکارى پێشمەرگە کەمئەندامبووەکانى سەنگەر لە کرێى خوێندن دەبەخشرێن.
وەزارەتی خوێندنى باڵا و توێژینەوەی زانستی لە گشتاندنێکدا بۆ گشت زانکۆکانى هەرێمى کوردستان، بڕیاریداوە بە لێخۆشبوون لە کرێى خوێندنى پارالێل و ئێواران بۆ ئەو قوتابى و خوێندکارانەى کەسوکارى پێشمەرگەکانى کەمئەندامانى سەنگەرن.
هەروەها لە بڕیارەکەی وەزارەتی خوێندنی باڵا ئاماژە بەوەش دراوە کە ئەم بڕیارە بە مەرجێکە کە پێویستە ئەو قوتابی و خوێندکارانە بەڵگەنامەى پێویست بۆ ئەم مەبەستە پێشکەش بکەن.