كرمانج عزەت بەرپرسی لقی 26ی گوڵانی پارتی دیموكراتی كوردستان لە دیمانەیەكی تەلەفیزیۆنی رایگەیاند” ئێستا لێكتێگەیشتنی باش لە نێوان لایەنەكان بە تایبەتی پارتی و یەكێتی هەیە و پێویستە بەرەچاوكردن و خوێندنەوەی ژیرانەی دۆخی ناوچەكە و لە پێناو بەرژەوەندی باڵای نەتەوەی كورد بڕیار بدرێت”.
لە بارەی پۆستەكانی داهاتوو لە پێكهێنانی كابینەی 10یەم، كرمانج عزەت گووتی” پێویستە هەر لایەنە و بە پێی ئیستحقاقی هەڵبژاردن داوای پۆست بكات، بە هەموو پێوەرەكان سەردەمی 50 بە 50 كۆتایی هاتووە و چیتر قبوڵ كراو نییە”.
لە بارەی پۆستی سەرۆكی حكومەتیش، بەرپرسی لقی 26ی گوڵان گووتی” پۆستی سەرۆكی حكومەت لە كابینەی 10یەم بۆ پارتی دەبێت، بۆ پۆستی سەرۆكی هەرێم كە یەكێتی نیشتمانی كوردستان داوای دەكات، لە بەرامبەردا پۆستی دیكە هەیە، دەشێ سەرۆككۆماری عێراق بێت”.