پارێزگاری هەولێر لایەنە پەیوەندیدارەکان ئاگادار دەکاتەوە،

پارێزگاری هەولێر لایەنە پەیوەندیدارەکان ئاگادار دەکاتەوە، دەبێت پرۆسەی دابەشکردنی زەوی بەسەر فەرمانبەران بە کەمترین ڕۆتین و تێچوو بێت.

 حکومەتی هەرێمی کوردستان لە ئامادەکارییەکان بەردەوامە بۆ دابەشکردنی  زەوی بەسەر فەرمانبەران و هەموو  هەوڵەکان بەو ئاراستەیەن ئەمساڵ پرۆسەکە دەستپێبکات.

 بەگوێرەی ڕاگەیێنراوێكی پارێزگای هەولێر، ئومێد خۆشناو لەگەڵ لەگەڵ لایەنە پەیوەندیدارەكانی پەیوەست بە دابه‌شكردنی زه‌وی کۆبووەتەوە و ڕایگەیاندووە: دەبێت ته‌واوی ئاماده‌كارییه‌كان به‌ كه‌مترین ڕۆتین و تێچوو  بکرێن و په‌له‌ له‌ ڕێككاره‌ كارگێڕی و هونه‌رییه‌كان بكرێت. دابەشکردنی زەوی نزیکەی 200 هەزار فەرمانبەر دەگرێتەوە و لە هەر چوار پارێزگا زەوی پێویست تەرخانکراوە.