دەستەی سەربەخۆی مافی مرۆڤ نیگەرانی خۆی دەردەبڕێ بەرامبەر چونی هێزێکی ئەمنی بۆ سەر ئۆفیسی ( ناوەندی ڕۆشنگەری چاودێر).
بەداخەوە ئێوارەی ڕۆژی پێنجەشەمە ٥ی ئەیلول بەگوێرەی زانیاریەکان لەسەر زمانی بەڕێز ملا بختیار سیاسەتمەدار کە بڵاوی کردۆتەوە ، هێزێکی دەزگای ئەمنی لەشاری سلێمانی چونەتە سەر ئۆفیسی ( ناوەندی ڕۆشنگەری چاودێر) و دەستیان بەسەر بارەگاکەو کەل و پەلەکان دا گرتوە کە لەهەمان کات ئۆفیسی تایبەتی ناوبراوە. دیارە هێزەکە بەناوی گەڕانەوەی ئەو شوێنە وەک موڵکی لایەنێکی دیاری کراو ئەو کارەیان کردوەو بەفەرمان چونە ، بەڵام چون وبەکارهێنانی هێزی ئەمنی و دەست بەسەردا گرتنی کەل و پەلی تایبەت لەو شوێنە کە بنکەیەکی ڕۆشنبیریە دوورە لە بەکارهێانی ڕێکاری یاسایی و دادگاو مەدەنی و گونجاو نیە ئەو مامەڵەیە بەو جۆرە پێشێلکاری بنەماکانی ئازادی ڕاو ڕۆشنبیریە.
ئێمه هیوادارین بارودۆخەکە ئاسایی بێتەوەو پەل نەهاوێ بۆ کاردانەوەی ترو مافی کەسی و خاوەنی ئەو دەزگایەش پارێزراو بێت و هەموانیش پابەندبن بەیاساوەو دادگا یەکلای بکاتەوە.
دەستەی سەربەخۆی مافی مرۆڤ لەهەرێمی کوردستان.
٥ی ئەیلول _٢٠٢٤