وەزارەتى ئەوقاف و کاروبارى ئاینى ڕاى گەیاند، رەزامەندى وەرگیراوە بۆ گەڕانەوەى ئەو حاجییانەى بە ڤیزاى ساڵى گەشتى سعوودیەیان کردووە و گیریان خواردووە لە مەرزى عەرعەر.
ئەمڕۆ هەینى 21ى حوزەیرانى 2024، لە راگەیەنراوێکدا وەزارەتى ئەوقاف و کاروبارى ئاینیی هەرێمى کوردستان راى گەیاند، دوای هەوڵ و تێکۆشانەکانی وەزارەتی ئەوقاف و کاروباری ئاینیی حکوومەتی هەرێمی کوردستان، لەڕێگەی نوێنەری تایبەتی وەزارەت، بۆ ئەو هاووڵاتی و هاونیشتیمانییانەی، کە بە ڕێگای ڤیزای ساڵی گەشتی سعوودیەیان کردووە و گیریان خواردووە لە مەرزی عەرعەر، رەزامەندی وەرگیراوە بۆ ئەوەی بتوانن بگەڕێنەوە وڵات.
لە راگەینراوەکەدا زیاتر هاتووە، ئەو هاووڵاتییانە دەتوانن لە ڕێگەی پاسی تایبەت بگەڕێنەوە بۆ هەولێر و سلێمانى و دهۆک.
لە کۆتاییدا وەزارەتى ئەوقاف ئاماژەى داوە، لێرەوە ئەوهاووڵاتییانەی گیریان خواردووە با پەیوەندی بە خاوەن کۆمپانیاکانیان بکەن تاوەکو پاسیان بۆ دابین بکەن.