ڕاوێژكاری سەرۆكوەزیرانی عێراق بۆ كاروباری گواستنەوە و رێگای گەشەپێدان ڕایگەیاند، هەرێم و عێراق ڕێككەوتوون لەسەر نەخشەی كۆتایی ڕێگای گەشەپێدان، كە بە دهۆكدا دەڕوات تا دەگاتە دەروازەی فێشخابور.
ناسر ئەسەدی، ڕاوێژكاری محەمەد شیاع سوودانی سەرۆك وەزیرانی عێراق بۆ كاروباری گواستنەوە و ڕێگای گەشەپێدان ڕایگەیاند: هەرێم و عێراق ڕێككەوتوون لەسەر نەخشەی كۆتایی ڕێگای گەشەپێدان، كە لە دهۆكەوە تێپەڕ دەبێت تا دەگاتە دەروازەی فیشخابوور.
ئاماژەی بەوەشكردووە، پڕۆژەی ڕێگای گەشەپێدان بە فەرمی چووەتە قۆناغی جێبەجێكردنەوە و دیزاینەكەی وردبینی هونەری بۆ دەكرێت پێش ئەوەی دەست بكرێت بە وەبەرهێنانی نێودەوڵەتی لە پڕۆژەكەدا.
ئەوەشی ڕوونكردووەتەوە، عێراق دەرفەتی وەبەرهێنانی لە چەندین وڵاتەوە پێگەیشتووە لەوانە توركیا و ئیمارات و قەتەر و عومان، داهاتی پێشبینیكراو بۆ ڕێگای گەشەپێدان دەگاتە چەندین ملیار دۆلار، لەگەڵ دابینكردنی دەرفەتێكی كاری زۆر بۆ هاوڵاتیان.