ئەمڕۆ پێنجشەممە، 20ی 2ی 2025 عەبدولموتەلیب عەلاوی، پارێزگاری بەغدا بڕیاری دا لە سەرەتای هەفتەی داهاتوو دەوامی فەرمی ڕابگرێت، ئەمەش هاوكاتە لەگەڵ مەراسیمی پرسە و یادكردنەوەی حەسەن نەسروڵڵا، ئەمینداری گشتیی پێشووی حزبوڵای لوبنانی.
ئاژانسی (شەفەقنیوز) بڵاوی كردووەتەوە، ڕۆژی یەكشەممە، دەوامی فەرمی لە دیوانی پارێزگا و فەرمانگەکانی سەر بە پارێزگاری بەغدا ڕادەگیرێت، ئەمەش بە پشتبەستن بە بڕیارەکەی ئەنجومەنی پارێزگاری بەغدا.
ڕوونیشی کردەوە: پشووەكە بۆ ڕێزلێنانە لە حەسەن نەسروڵڵا، تاكوو زۆرترین خەڵك لە پرسەكەدا و یادكردنەوەیدا بەشدار بن و هاتوچۆیان بۆ ئاسان بكرێت.