لە گوندێکی سەر بە کەرکووک شەڕ لە نێوان “گرووپێکی داعش” و هێزە ئەمنییەکان ڕووی دا و بەهۆیەوە، چەکدارێک کوژرا و سێ ئەندامی هێزە ئەمنییەکان بریندار بوون.
سەرچاوەیەکی ئەمنی ڕاگەیاند، نزیکەی کاتژمێر 08:00ـی بەیانیی ئەمڕۆ چوارشەممە، 11-09-2024، لە گوندی سێکانیانی سەر بە کەرکووک؛ شەڕە تەقە لە نێوان گرووپێکی سەر بە “داعش” و هێزە ئەمنییەکانی پارێزگاکە ڕووی دا.
سەرچاوەیەک ڕایگەیاند، لە ئەنجامی شەڕە تەقەکە چەکدارێک کوژراوە و یەکێکی دیکەشیان دەستگیر کراوە؛ لە بەرانبەردا، سێ ئەندامی هێزە ئەمنییەکان بریندار بوون.
بە گوتەی هەمان سەرچاوە گرووپە چەکدارەکەی سەر بە داعش؛ خۆیان لە نێو خانووەکی گوندەکەدا حەشاردابوو.
باسی لەوەش کرد، هێزە ئەمنییەکان لێکۆڵینەوەیان لە ڕووداوەکە دەست پێ کردووە و گەمارووی خانووەکەی گوندی سێکانیانیان داوە.