وه‌زاره‌تی ته‌ندروستی: بێ ستیكه‌ر دەرمان و پێداویستیی پزیشکی مەکڕن
🟠وەزارەتی تەندروستی حكومه‌تی هه‌رێم داوا لە هاووڵاتییان دەکات خۆیان بە دوور بگرن لە کڕینی دەرمان یان هەر پێداویستییەکی دیکەی پزیشکی بێ ستیکەری کوالێتیی کۆنترۆڵ.
🟠ئەمڕۆ دووشەممە 13ی ئایاری 2024، وەزارەتی تەندروستیی حکومەتی هەرێمی کوردستان لە راگەیەندراوێکدا داوای لە هاووڵاتییان کرد خۆیان بە دوور بگرن “لە هەر دەرمان یان هەر پێداویستیەکی پزیشکی بێ ستیکەری کوالێتیی کۆنترۆڵ؛ خۆتان دڵنیا بکەنەوە لە بوونی ستیکەر و کۆدی کوالێتی کۆنترۆڵ”.
🟠راگه‌یه‌ندراوه‌كه هێمای بۆ ئه‌وه‌ش كردووه، كه هەموو کۆمپانیا، کۆگا و دەرمانخانەکان لەبارەی ئەم پرسە ئاگادار کراونەتەوە.