لە کۆبوونەوەکەی ئەمڕۆی ئەنجوومەنی وەزیرانی هەرێمی کوردستان سەبارەت بە مووچەی مانگی پێنجی هێزەکانی پێشمەرگە و دامەزراوە ئەمنیەکانیش، داواکرا کە وەزارەتی دارایی عێراق، بە زووترین کات مووچەکانیان خەرج بکات بە تایبەتیش کە لە دوا هەنگاودا، حکوومەتی هەرێمی كوردستان، لیستی مووچەی هێزەکانی پێشمەرگەی بە سەرجەم داتا و زانیاری پێویست ئاراستەی وەزارەتی دارایی فیدڕاڵ کردووە و هیچ بيانوویەک بۆ نەناردنی مووچەکانیان نەماوە، هەروەها ئەنجوومەنی وەزیران، وەزارەتی دارایی و ئابووری ڕاسپارد پەلە بکەن لە ناردنی لیستی مووچەی مانگی شەشی مووچەخۆرانی هەرێمی کوردستانبۆ بەغدا و هەروەها ناردنی بەشی گەنجینەی فیدڕاڵیی لە داهاتە نانەوتییەکانی هەرێم بۆ ئەژمێری وەزارەتی دارایی عێراق.
هەواڵی پێشتر
هەواڵی داهاتوو