بەرێوەبەرایەتی گشتی حەج و عومڕەی هەرێمی کوردستان رایدەگەیەنێت کە یەکەم کاروانی حاجیانی کوردستان بەڕێگەی وشکانی لە رۆژی 22\6\2024 لە شاری مەککەی پیرۆزەوە بەرێ دەکەون.
به‌ڕێوه‌به‌رایه‌تییه‌كه راشیده‌گه‌ێنێت،یەکەم کاروانی حاجیانی کوردستانیش بەرێگەی ئاسمانی لە رۆژی 24\6\2024، لە رێگەی هەردوو فرۆکەخانەی نێودەوڵەتیی هەولێر و سلێمانی دەگەنەوە هەرێمی کوردستان.
بەرێوەبەرایەتی گشتی حەج و عومڕەی هەرێمی کوردستان هەروەها رایدەگەیەنێت کە دواین کاروانی حاجیانی کوردستان لە رۆژی 30\6\2024، لە رێگەی هەردوو فرۆکەخانەی نێودەوڵەتیی هەولێر و سلێمانی دەگەنەوە هەرێمی کوردستان و کۆتایی بە پرۆسەی حەجی ئەمساڵ دێت.
هەر لە راگەێندراوەکەدا بەرێوەبەرایەتی گشتی حەج و عومڕەی هەرێمی کوردستان داوا لە کەسوکاری حاجیان دەکات، کە بە هیچ شێوەیەک سەردانی فرۆکەخانەکان نەکەن بە مەبەستی پێشوازیکردن لە حاجیان چونکە پاسی تایبەت بۆ گواستنەوەیان ئامادەکراوە و بۆ ئەوەی قەرەباڵغی لە فرۆکەخانەکان دروست نەبێت و هاوکاری دەزگاکان پەیوەندارەکانی حکومەتی هەرێمی کوردستان بکەن تاوەکوو حاجیان بە سەلامەتی دەگەڕێنەوە ناو کەسوکارەکانیان.