لە زاری سەرچاوەیەكی ئاگاداری حكومەتی عێراقییەوە بڵاوکراوە، لە ماوەی دوو ڕۆژی داهاتوودا لە بەغداوە مووچەی فەرمانبەران و هێزە ئەمنییەكانی هەرێم بە یەك گوژمە ڕەوانە دەكرێت، ئەوەش دوای ئەوەی، كە وردبینی لە لیست و ژمارەكانیان تەواو بووە.
ڕاشیگەیاندووە، وەزارەتی دارایی حكومەتی هەرێم خشتەی مووچەی ئامادەكردووە و دوای گەیشتنی پارە لە بەغداوە، ڕاستەوخۆ دەست بە دابەشكردنی مووچە دەكات.
ئاماژەی بەوەشكردووە، مووچەی خانەنشینانی هەرێم وەك مانگەكانی پێشوو دابەش دەكرێت نەك بە هاوتاكراوی لەگەڵ خانەنشینانی عێراق تا ئەو كاتەی ڕێككەوتن لەنێوان هەردوو حكومەت دەكرێت.